Mazkur ostadon boʼlaklari Sanʼatshunoslik ilmiy tadqiqot institutining ilmiy xodimlari tomonidan tiklangan. Bu ostadon yuzasida Zardushtiylik dinini qabul qilish marosimi aks ettirilgan. Bu tasvirlar har bir tomonda takrorlangan. Ularning shakli yuzasidagi tasvirlari bir xil, yuqori qismining toʼrtta burchagida boyqushga oʼxshash qush va ularni bir biri bilan bogʼlab turgan halqasimon doira shakli bor. Zardushtiylarning diniy tasavvurlariga koʼra bu qush marhum ruhini yovuz devlardan himoya qilgan. Ostadon eramizning V-VI asrlariga tegishli boʼlsada, undagi boʼrtma tasvirlar eramizdan avvalgi VI asrlardan boshlab Oʼrta Osiyo xududida keng tarqalgan Zardoʼshtiylik dini bilan bogʼliq boʼlgan marosimlar tasvirlangan deb aytish mumkin.

Bargak – sharq, hususan o‘zbek ayollarining peshona va sochiga taqadigan zeb-ziynat buyumi. O‘zbek xalq amaliy san’atida bargsimon motivlar qo’llanganligi uchun ushbu zeb-ziynat “bargak” nomi bilan atalgan. Ko’plab zeb-ziynat buyumlarida bargsimon shakldan foydalanish tasodifiy emas, qadimdan barglar hayot va tabiatning qayta tirilish timsoli bo’lib kelgan. Bargak XIX asrga oid bo’lib, kumushdan yasalgan. Ustki qismida tilla suvi yugurtirilgan. Bunday bargaklar “tilla bargak” deb atalgan. Feruza, marjon, aqiq, yantar toshlaridan qadama bezak berilgan. Pastki qismida barg shaklida o‘rnatilgan shokilalar mavjud. Ostadon eramizning V-VI asrlariga tegishli boʼlsada, undagi boʼrtma tasvirlar eramizdan avvalgi VI asrlardan boshlab Oʼrta Osiyo xududida keng tarqalgan Zardoʼshtiylik dini bilan bogʼliq boʼlgan marosimlar tasvirlangan deb aytish mumkin.

"Koshin" - "Plitka" (dekorativ plitalar) - asosan arxitekturada ishlatiladi. Koshin maxsus loydan qoliplarga quyib tayyorlanadi, xumdonda 1150° gacha temperaturada pishiriladi. Turli naqshlar berilgach sir beriladi, soʻng maxsus xumdonda pishiriladi. Bino sirtiga yaxshi yopishishi uchun koshinning orqa tomoni gʻadir-budir yoki chuqurcha-chuqurcha qilib yasaladi. Koshin nafaqat binoning tashqi va ichki interyerini bezash uchun foydalanilgan, shuningdek binoni tashqi tasirlardan (yomgir va qordan) ham asragan. Koshin XIV asrga oid bo’lib, temuriylar davriga tegishli. Yuza qismida arab alifbosida “Alayxi-ul-vassallam” deb yozilgan. Oq, ko’k, moviy rangda sirlangan.

O’zbek xalq amaliy bezak san’atining eng keng tarqalgan turlaridan biri kandakorlikdir. Kandakorlik deganda metaldan yasalgan badiiy buyumlarga o’yib yoki bo’rtiq qilib naqsh ishlash tushuniladi. Qumg’on XX asr boshlariga oid bo’lib, Shahrisabzlik kandakor ustalar tomonidan ishlangan. Qumg’ondan suv qaynatishga foydalanishgan, odatta choy damlashda qo’llanilgan. Qumg’onning markaz qismida tutun chiqishi uchun mo’ljallangan quvur joylashtirilgan bo’lib, bu quvur suvning tez qaynashini taminlagan. Qapqoqli turdagi qumg’onlar esa suvni ko’p vaqt davomida qaynoqligini saqlab qolishga xizmat qilgan. Qumg’onning sirtida tangasimon shaklda bo’rtma naqsh berilgan. Uning yuqorishida esa halqasimon ko’rinishdagi naqshlar ishlangan bo’lib, u qumg’onning yanada nafis bo’lishiga xizmat qilgan.